Lukutakanu mu nkumbu’a ntete ku Mbanza-Ngungu, zi Mpala-za-Mpu ku Kongo dia kati, mu bilumbu bio basadidi, kia 16 ye kia 17 mu ngonda ya Mpemba, muna m’vu wa 2025, bilumbu bibiole bia nduenga mubaka mbuta diambu mpasi muzangula Kongo dia Kati.
Lukutakanu lolo lueti tuadisua kua mbuta Sumali Mukiandi, n’tuadisi wa zimpala-za-mpu za Mbanza-Ngungu, mu nomba za 120.
Mbuta za ngangu zitukidi mubifulu bia mpila mu mpila, bia kisuingidila kia nsi a Kongo dia Kati.
Lumbu kiantete, kia yantikidingi mu nkunga’a nsi, landila nsongasana ye kunima, Mfumu Willy MAKUMBANI n’tuadisi wa ntete ku Mbanza-Ngungu wabakidi mpova.
Yandi vo : « Zimpangi zame za Kongo dia kati, wunu tuna ye kiese mumona lukutakanu lolo luena mukuma kia beto bane-kongo.
Vuvu tusidi vo kuna nsuka mandanda momo, ngindu tubaka mpasi tuanunga ».
Muna bantu babakidi mpova ku lukutakanu, tuna ye mbuta NZUZI MBEMBE, yandi vo: « Ngiendolo ku n’tuala za mavata meto ku Kongo dia Kati yena kuabeto mosi. Tufueti landilanga mambu mamo mpasi katuvunua diakako ».
Ndona Francine NZUMBA wabakidi mpova muvova vo : » Fulu kia Ndona ye bindende muna sikamesa Kongo dia Kati, vo tutomene tala Ndona yaniwena muntu’a ntete ulonganga nkangu, Tukala mikia mia mbua, tulekila kimosi ye sikamana kimosi ».
Muna lumbu kia n’zole, dikelenge biuvu ye zi mvutu, mu mambu ma mpuenia, ye mbuta Hubert Matondo yani wavovele vo: » Zola kua Né-Kongo muna luvunu muyintangu, batata ye bamama tutala mavata ma n’kaka, nguizani zena yawu beta kuenda ku n’tuala, kansi beto kisalu kia vutuka manima kondua kua zola », tekela mukuenda mubifongo mpasi zingindu zakala va kimosi, Mfumu Constant MAMVIDILA n’landi kia Nguvu wantama waku Kongo dia kati yani wabakidi mpova mu vova vo: » Ntekolo a mi n’toto kantamako Kongo dia Kati si dienda, tufueti zaya vo n’toto wu tekolo kua barwandais, tukala ngangu ».
Tusoneka ebu, Mfumu yatente ya nsi ya Kongo utalanga mampalata, Mbuta Daniel MUKOKO SAMBA, yani wabakidindi mpova mu vova : » Bue tulenda zangula kinkita ku Kongo dia kati kondua kua zi nzila ye nguizani ? Mpeleko vo tuakituka beto babo mi n’tantu beto ye beto, tu tunga nzola ye tua nuanina mintoto mi’eto ».
Lukutakanu luampuenia, tufueti zaya dio vo lunungu luena ku n’tuala mukala mukimvuka.
Mu manisa mandanda, Mfumu Willy MAKUMBANI yani wafokole lukutakanu.
Mbuta Arnold ZANZALA, Rateko Mbanza Ngungu